لما تبقى حي عايش
مش عارف ايه اللي جى
لما تجهل انت بكره
هتبقى ميت ولا حي
يبقى امرك كله راجع
للي فوق العرش حي
يعني شيل عنك همومك
وارمي عن قلبك حمولك
في اله هو اللي حارسك
مهما كان عرضك وطولك
اوعى تنسى يوم حسابك
او عقابك او ثوابك
اوعى تنسى ف يوم حقيقتك
ولا تتغر بشبابك
كله فاني كله زايل
اللي معدول واللي مايل
كل واحد له حسابه
كل واحد شيلته شايل
يبقى ليه نظلم في روحنا ؟
ليه نزود من جروحنا ؟
كله في الآخر حيرحل
مهما جينا ولا رحنا
يبقى هو حل واحد
اوعى تبقى عبد جاحد
اوعى تنسى ف يوم الهك
صلي واعبد رب واحد
بقلمي الشاعر جمال زكي عينر
Aucun commentaire:
Enregistrer un commentaire