سليمان نزال // كلك انوثة.. يا ورد

كلك أنوثة..يا ورد

كلك أنوثة ..يا ورد

و عطرك قوافي...

و حبك بحاول يبتعد

بنص المسافة ِ..

مرة بفرحة بينوجد

ومرة بجافي..

ومرة بضلعي بيتحد..

بهمس و رهافة ِ

يا نبض عشقك مُتقد..

بنور اعترافي..

يا دلع فوحك بيقترب

لما بوافي..

يا وجع صمتك بينسحب

بصمتو الإضافي..

يا جرح أرضك بينسكب

وزندو اللي شافي..

كلك غواية يا ورد

لما تصافي..

و تنسج حروف بتنكتب..

لوطن الأسلاف ِ

وإنتي نجومك من ذهب

وبوحك شو دافي

كلك هدايا للقلب..

و الجو صافي...

لكن بشوكك بتنقلب..

تخفي الخوافي..

بترفع رسالة الغضب

بوهج الأهداف ِ

و أنا لأرضك  بنتنسب

و حبك خُرافي...

لكنو عشقك للوطن

سما و فيافي..

و كلك بطولة يا ورد..

ورد الأشراف ِ

تبقى جذورك بالبلد

رغم  المنافي..

تبقى نسورك و اللهب

جمر القوافي..

سليمان نزال