..........................
حشرونا في عالم وهمي
ولا أنت ليك رآي تاني
الأمر شوري تهدأ.النقاش
أمسك أعصابك تتحداني
وفي النهاية كله تصافي
تتغدا معانا تنول منابي
إيه الحكاية غموض كلامك
فيه حاجة شغلاني
قول .قول.ماتتحرجش
كل الحوار منسي في ثواني
تعرف تقولي بكام الخيار
لو خيروك تيجي مكاني
ضحكت ليه فهمت السؤال
تعال يابيرم يا أسمراني
سر البوقجة مخفي ليه
ساكت ليه ما تتحداني
غريب في الحي زمانه جي
سرك في بير يا ملواني
قسمة وميدان قسم اللبان
رواية مظالم للألباني
طير المحبوب يامروح
شوقي إليه صوته نداني
كتبت إيه سرحان في إيه
ببحر الحب معجباني
وردة طايشة بقلب الجواب
عطر هواك .سحر تاني
حشرونا في عالم فهمي
تعال فهمني ولا ليك رآي تاني
........................................................
بقلم/عبدالمنعم السقا
Aucun commentaire:
Enregistrer un commentaire