--------------
مسحراتي ..وماشي بسرعة
وايام رمضان اسرع
..ودقاتي علي الطبلة سريعة
وفرحة الناس اروع ..
وماشي بمدّ فى خطوتي
وبيعلا صوتي بغنوتي
مع لحظة سكون افظع
اصحي يارايح فى النوم
اهو جري شهر الصوم
وانت لسه بتتمطع
اصحي وحد الدّايم
وحد الرزّاق
ولتوب الذنوب اخلع
اصحي وصحي جارك
شيطانك من فرحته
سعيد وبيبرطع
اصحى يانايم ..يانايم اصحى
وحد الدايم ...وحد الرزاق
رمضان كريم ......
------------------
بقلمي / رمضان عبدالله أحمد
Aucun commentaire:
Enregistrer un commentaire