اخدنا ايه لما زودنا في العناد
لما هانت علينا ارواحنا
وبسن الحروف في بعض جرحنا
لما. هوانا اتنسل وجه الوجع دوبنا
واتبعثرت دقات قلوبنا
وداقت علينا خلاص البلاد
مش هانكر انك واحشاني
ولا هاطلب منك نعود من تاني
انا جايلك باتاسف باكي
طعنتك ببساطه مليتك اوجاع
وفي لحظة الاشتياق بينا ضاع
شحنا القلوب كراهيه والالم علينا زاد
راسم ملامحك وقت الفراق
شوفت شيبة الحب
ونزيف الروح ع الاوراق
ثوري انفجري اكسري الصمت
في بعدك عايش كاني مت
اتنفست باوقاتي معاكي وهواكي
كان الميه والزاد
الوجع احتلني شافني الوطن
الالم للقلب قال مفيش غير سكن
لو قولتي الاه مرة
كتبتها بدمعي وشربتها كاس مره
ملعون الكبر وملعون ابوك يا بعاد
Aucun commentaire:
Enregistrer un commentaire