*********
هلت ليالي الهنا
طرح الامل عناقيد
والكون عروسه لابسه
حرير فى حرير
بصيت لقيت القمر
نايم فى مهدة وليد
قلت!!!
ياقلبي اكيد دى ليله
عيد
النخله وشوشت
التوته
تحكى لها اجمل
حدوته
الخضرة حواليها الميه
والضحكه فى عيون
بنوته
همس البنفسج
على عوده
ودموعه سايله
على خدوده
غاب القمر
اسبوع و يومين
ملقاش ياناس
يعوده
وسال البحر
على شطه
عاشق معشوق
وقلت!!!
ياموجه ليه
شارده
رماكى الشوق
دا مهما الليل
يطول
هيجي شروق
قالت!!!
بحلم...أمتي؟
الزمان يصفي
ويروق
عاد الربيع بالحب
والشوق والاماني
صحي فى الكون
الجمال
سألت ليه قلبي
حزين
وذكرياته معذبنى
رد قال!!!
ده العمر لحظه
مستحيل نعيشها تاني
وأخترت وسط الهجير
ضل شجرايه
وسقتها شهد الحنان
وسمتها بدايه
عدى الخريف بدرى
وكتب لنا نهايه
قالوا...
طريقك فين
و ايه أمل بكره
قلت!!!
عيون الامل
تأسرني من نظره
لا المال بغيرني
ولا شهره
كل اللي عايزه
تجمعه فكره
لو ضل فى الصحرا
وليلي ضوء قمر
ويكون طريقي
أمان
وأعيش حياتي
حره
حره
*****
خواطر
******
نورا صادق
Aucun commentaire:
Enregistrer un commentaire