---------------------------------
(كانت جدتي رحمها الله تحكي لي......
عن احد القضاة خلال فترة الاستعمار
وكنت ارسم رسوما في مخيلتي والتقط
بعض الصور المخيفة عن القاضي بومصران
لم يكن هو الوحيد الذي اثرى على حساب
المواطنين.. كثيرون غيره كثيرون).
ازمان.......واش من ازمان
غير الخطفة او سير القدام.!
ازمان هذا واش من ازمان
. ازمان بن تالف
ازمان بن حالف
ازمان بن خاطف
ازمان بن هارف
ازمان القاضي......يا بومصران
بالدرهم يحكم ايهبط الميزان
كالكلب قابع حلقو عطشان
يلهت ايصب منو العرق صبان يلهت ايصب منو العرق وديان
ازمان قاضي بو جلابة
ازمان قاضي بو حلابة.!
*ازمان لعطش بين السواقي وانا عطشان.!
*ازمان الجوع او لبطون منفوخة بلا خبز.!
ازمان حاكم........بوطربوش فالنهار ايسبح ايرثل القرآن
. بالليل خانز كالقرد سكران.!
ازمان واش من ازمان
ازمان العيطة بالتعارج
ازمان كتامة والسباسة
ازمان لبحر و الامواج
ازمان قاقي يا دجاجة
يا بنت الخوف قاقي.!
ازمان داروا من حبة قبة
ازمان ايحبوك بلا امحبة
غير سير اوكان غير سير غير سير اوكان.......خويا.!
ازمان القرعة و الكاس
ازمان لبنات بلا ابنات
ازمان الحاجة بلا حج
ازمان الزين عشرة بريال
حكمت الشيخة فالقياد
حثى القهر لاعب حاجة!
ازمان خويا حاجي لي
ازمان خويا اجي اجي
ازمان القياد بلا مرسوم
زمان فيقوا خدموا بلا خدمة
زمان نعسوا انعاس بلا راحة.!
حلبوا البكرة حثى ايسيل الدم.!
ازمان هما ايضربوا احنا انهربو.!
ازمان حك جيبك يا بن سيدي.!
ازمان واك واك اعباد الله
ازمان الهرفة لعرى والحفا
ازمان لفهامة بلا افهامة
غير سيروا خلوني
غير سيروا خلوني
دبا ايراجع الله بنا.!
خليوا الوحدة بينا قايمة
خليوا الصفوف مرصوصة
خافوا من.......طنز البراني.!
يتبع(رحم الله جدتي هناك حكايات اخرى)
العابد عبد الرحيم : 26/22/2016
ملهمتي الفقيه بن صالح.
Aucun commentaire:
Enregistrer un commentaire