قالولنا حظر عشان وبا
قلنا ومالُه دا عمرنا
يلّه وكُلُه مننا
لا فيه مدارس أو زحام
قلنا ماشي لجل العيال
والمُصلى مفيش كمان
إقفل هنا وادِي التمام
لكننا شوفنا العجب
الناس بتشغي وبسبب
وكتير كتير من غير سبب
فى المواصلات والمخابز
قطرنا طالع ونازل
ولا مترو وفيه مهازل
حتى برضُه فى البنوك
تقول خلاص الناس ديوك
وادِي اللي جالنا م الوبا
حيلك يا اخويه مش كده
تقول يااخويه حظرنا
معمول عشان يقفلنا
كل المساجد
لا جمعة برضُه أو فرائض
خيبه ومالُه اياك تعاند
يمشي الكلام اوعك
تساند أو تعارض
طب كلمه وجعاني
يا جامد نفتحوا دور العباده
وبرضُه برضُه الناس تحاذر
دا ربنا رحيم وقادر
يمكن يشوفنا بذلنا
يرفع بعطفُه عننا
دا انته لو ضيف يا سلام
هتكون مُكَرم مش مُهان
لكن خُطاك لربنا
فيه الوبا ولا الهوان
يا بني رُد وقُلنا
هوه عُمرُه يضُرنا
فين عقلنا قولوا يا ناس
فين عقلنا هوه الزحام
هنا وهنا
فيه التهاون كل ده
وفى الجوامع يا وله
مربوط بأمر يحشنا
إفتحوه جالنا الصيام
خلاص يا واد الصوم لجام
إفتحوا وبلاش نسلم
أو حتى نُحضُن
أو نبوس أو تجمهُر أو جلوس
نسمع مواعظ أو دروس
نقضي صلاتنا وننتشر
زي الجراد المنتشر
أيه اللي يدفعني لكده
أنظِم كلام بالشكل ده
غير طوفان فى كل حته
دي حقيقه بلاها إفتى
لكن جوامعنا الحزينه
محطوطالنه يا عيني زينه
........ ..... ... .. .
أحمد الصاوي مصر ١ رمضان ١٤٤١
Aucun commentaire:
Enregistrer un commentaire