قسوه برقه
ولا رقه مخلوطه قسوه
شكرا علي قسوة قلبك
--------------------------
ممكن سؤال
بتخبي ليه
اللي جواك باين عليك
كله باين في العيون
مهما تداري مكتوب عليك
تعيشي معايا لحظة جنون
كل حروفك نبراس لحرفي
وكله متكحل
كله في الاخر مكمل
طير صغير كل حلمه
يترسم بين الغصون
حرف عشق مولود بيعشق
تخطفه نظرة عيون
هي يعني تفرق كتير
تعيش عاقل
ولا تعيش حاله جنون
بتساليني ليه بحبك
وازاي بحبك
سمعك والله ..سمعك
بتقولي والله حساك
مش احساس عادي
احساس مجنونه بمجنون
بعترفلك ..
غصب عني
وغصب عنك
لقيتني جوا قلبك
بعترفلك..
شيء غريب كل مااحسك
تلاقيتي مشتاقه ليك
اجري بسرعه اكتبك
يكتبني احساسي عندك
هو ايه احساسي ده
كل حرف قلبي يكتبه
حروفك بسرعه تكمله
باحساسك ونبضك
احمد عبدالحق
Aucun commentaire:
Enregistrer un commentaire