فيها ايه لو رأف بينا
القدر وأتقابلنا من سنين
ما كنا عرفنا فى عمرنا
الآم ولا جراح ولا أنين
ولا كان اليأس صاحبنا
ولاعشنا عمرنا متغربين
كانت أتغيرت كل حياتنا
وخدنا حقنا من السنين
لكن نقول ايه حكم القدر
واحنا لحكمه مذعنين
راضين بالقسمةوالمكتوب
متسطر على الجبين
كفايه أن الزمن صالحنا
بعد الضنا وطول الانين
بدال جمع القدر مابينا
وضحك لنا احنا فرحنين
الشاعر/ عبد المنعم حمدى رضوان
Aucun commentaire:
Enregistrer un commentaire