افهمني صح يا صحبي // جمال حلمي عامر

أفهمني صح ياصحبي
..............................................
أفهمني صح ياصحبي

لترتاح  ويرتاح البال ..

 لانا شاعر من بدايتي

ولانا راجل كمان قوال ...

أنا بكتب الشعر لنفسي

دي هواية ملازماني ياغال ..

لا ف دماغي أكون الأول

ولا دماغي راكبها خيال ..

أنا بكتب شعري  نصيحة

لابكتب  شعري    شمال ..

لاغاوي هيام   وذريعة

ولابنسج من الشعر أفعال

              *******
لتحسب عليٌ ياصحبي

ويقولوا  راجل   فتان

أنا بكتب  الشعر لعاقل

ال يوزن كلمي بميزان

ويفهم    ايه   قصدي

ليختار  منه     العال

حرفي بعيدة  كام مرة

  بتدقيق  ليكون فعال

          ********
لا عمري أكتب ف صبايا

ولا خلي صبايا  تحتار 

ولا دغدغ مشاعر  أنثى

وأقلبها   رقص  ومزمار

 والله مش أنا   ياحبيبي

 ال أعملها ونام  ع   نار

أنا بخشى  ربي  ف  السر 

وف العلن نفس المشوار

الشعر  ده أصله  أمانة

مش لعب  عيال  شطار

الحرف له عندي حسابة

والكلمة  من بحور وأنهار

شواعر كتبت ف الفتنة

وخربت  أركان    بجدار

         *******
بدعوى   الحب   وسنينه

والحب  ف الأصل  منهار

 النفس    أمارة  ياصحبي

بتخلي    الفتنة   غبار

لا ممكن أكتب  بطريقتك

ولا ممكن  هانفخ ف النار ..

انا ريفي والريف   علمني

الأمانة    شيمة  الأحرار

       *********
وقريتي  عايشة ف وجداني

ما أنساها   يوم   لأحتار

من غيطي لبيتي كان  مبدأ

المبادئ  ف الريف مش عار

لا عمري  هامشي صغيٍر

ولاغير    طوبي  بشنكار  ..

           ********
القرية مدرسة للدارس

والعلم  فيها  مدرار  ...

مخلي عيشتها جميلة

وليلها  تقول ده  نهار  ..

دي عشتي وعيشة أهلي

مين أنت ؟ ال تهد جدار ؟

.......................................................
بقلمي /  جمال حلمي ابراهيم
........................................................